 |
| سييرا هالساث و أرون غيريرو |
في شهر أبريل سنة 2021 وفي لاس فيغاس الأمريكية شخص من سكان المنطقة اسمه دانيال هالساث، دانيال كان عمره 45 سنة كان متزوج من بنت اسمها اليزابيت وعندهم 3 ولاد، دانا جوردن وسييرا، دانيال كان شخص ذكي جداً ومجتهد، وكان حاصل على شهادة بكالوريس بالموسيقى وماجستير في ادارة الاعمال.
حصل دانيال على وظيفة في لاس فيغاس وبنفس الوقت زوجته ترشحت لحتى تصير عضو في المجلس التشريعي لولاية نيفادا، نيفادا هي الولاية الي موجودة بداخلها لاس فيغاس، الحياة كانت ماشية معهن بشكل جميل لحد سنة 2011، في هالسنة تم اعتقال دانيال بعد ما اتهمته زوجته بالفاحشة، يعني كان عم يحاول يتقرب منها غصب عنها، وبحكم منصب زوجته الخبر انتشر وعم ضجة اعلامية وكتير ناس سمعة بالخبر.
بعد شهر من الحادثة هي دانيال قرر يطلق بحجة انو اليزابيت عم تخونه، وانتهى الموضوع بسجن دانيل لمدة ست شهور تحت المراقبة بتهمة العنف الأسري، مع اجباره على دخول دروس السيطرة على الغضب.
 |
| دانيال هالساث |
تطلقوا و دانيال خلص الست شهور هي وطلع كمل حياتو بشكل عادي جداً، ومضي عشر سنين وعلاقته مع زوجته السابقة كانت ودية جداً مارجع صار بينهن مشاكل وضلوا اصدقاء، وحتى انو كان في بينهن حساب بنك مشترك ضلوا عم يستخدموه طبيعي جداً.
في سنة 2020 بدأ دانيل يصير نشط على السوشل ميديا وينشر محتوى اغلبه محتوى تصوير االاماكن الجميلة الي بزورها، وبعدين صار ينشر بوستات اله ولبنته سييرا ويكتب عليها انا احبك يا بنتي ومن الكلام هذا، وفي هاد الوقت سييرا كان عمرها 16 سنة.
لانه كان يحب ولاده كتير وكان مكرس حياته كلها عشان ولاده، وحتى انو وحدة من عماته قالت انه اولاده قبل كل شيء دائماً دانيال يفكر باولاده اول قبل اي شي تاني.
في شهر 7 من نفس السنة الي هي 2020 اكتشف دانيال انو بنته سييرا عم تواعد شخص اسمه آرون غريرو وكان عمره 18 سنة، العلاقة بين سييرا وآرون كانت غريبة جداً لدرجة انهم قرروا يسرقوا اهلن وياخدن منهن مصاري ويهربوا مع بعض على لوس انجلس.
اهل آرون وأهل سييرا من الأصل ماكانو راضين عن العلاقة هي، وبعد ما عرفوا بالافكار هي الي كانو عم يفكروا فيها، منعوهن من أنو يشوفوا بعض مرة تانية، والاهل كانو مفكرين انهن حلوا المشكلة وخلص بس للأسف سييرا وآرون بقيوا على تواصل مع بعض بالسر وكانوا معصبين كتير من اهلن لانو منعوهن يشوفوا بعض.
بس الأهل كانوا مقتنعين بالشي الي عملوه لانهن عم يحموا اولادهن من الافكار المتهورة هي ، واستمر دانيال بنشر صور بنته على السوشل وميديا وحتى في يوم 16 ديسمبر نشر دانييل بوست عم يحتفل فيه بعيد ميلاد بنته ويعبر عن حبه لها
وفي تاريخ 3 ابريل كمان دانيال رجع نشر صورة تانية كان موجود فيها هو وبنته سييرا لما كانت صغيرة، وبعد خمس ايام من الصورة هي انقلبت حياتهن 180 درجة!
في هاد اليوم آلون هرب من بيته وراح لحتى يشوف سييرا بالسر، وفي نفس اليوم كمان زوجة دانييل السابقة لاحظت حصرف مصاري غريب من حساب البنك المشترك بينها وبين دانييل، المبلغ كان 1300 دولار، حاولت اليزابيت انها تتواصل مع دانيال تسأله عن الصرف هاد بس ما كان يجاوبها.
أمه كمان حاولت تتواصل معه متل ما بتعمل كل يوم كانت دائماً على تواصل معه بس فجأة دانيال صار ما يجاوب على اي رسالة وعلى اي مكالمة واختفى من كل مكان من الشغل من السوشل ميديا من كل مكان.
فوالدة دانيال صارت تبعت رسائل لبنته سييرا وتسألها وين ابوكي ليش ما عم يرد علينا، فجاوبتها سييرا انو جواله متعطل واول ما يتصلح رح يحكي معكن، والام صدقت هالكلام لانو هي حفيدتها ومافي اي سبب تاني بالحياة يخليها تفكر غير تفكير فاخدت الموضوع عادي اوك لما يصلح جواله رح يحكي معنا.
مضي كم يوم ولحد الان دانيال ما رد على اي حدا، امه رجعت تحكي مع سييرا وتقله وين ابوكي عطيني احكي معه، كانت تقلها اي هو بالحمام لما يطلع رح اخليه يحكي معك وبعدين صارت تتجاهل الاتصالات والرسائل وماترد على حدا
لما صارت سييرا تتجاهل الكلام هاد جدتها الي هي ام دانيال صارت تهددها وتقلها اذا ما بتخلي ابوكي يحكي مع رح اخلي الشرطة تدخل بالموضوع (او welfare الرعاية الاجتماعية) بس سييرا ما كانت عم ترد عليها.
الام توترت كتير وصار عندها احساس انه في شي غلط الموضوع ما معقول ابنها يضل مطنشها كل هالفترة وما يتواصل معها، والمشكلة ان الام ساكنة بمكان تاني بعيد عن بيت دانيال، فاللي عملته انها اتصلت بجيران او اصدقاء يعني اشخاص بتعرفهن ساكنين بنفس المنطقة وحكتلن القصة وقالتلن انو بالي مشغول وطلبت منهن انو يروحو لعند دانيال عالبيت ويتطمنوا عليه ويردولها خبر.
وفي هاد الوقت قبل ما يوصلوا الاشخاص على بيت دانيال امه اتصلت بال911 وقالتلهم هالكلام………. المكالمة
بهالوقت بعد المكالمة وصلوا اصدقاء ام دانيال على البيت واكتشفوا انو سيارته مو موجودة بالكراج والباب مفتوح وفيه ريحة حريق وكان في اشياء محروقة بالبيت دخلوا فتشوا البييت غرفة غرفة ماشافوا شي، بس لما دخلوا على الكراج لجواه شافوا فيه سليبينغ باغ محروقة وبقلبها كان في جثة دانيال المحروقة
مكالمة 911
بعد هالمكالمة وصلت الشرطة على البيت وبدئوا تحقيق، وشافوا انو فيه بالبيت منشار الكتروني، ومنشار يدوي المنشار كان عليه دم، وكمان كان فيه سكينتين مرميين بالمغسلة، وكمان شافوا وصول دفع ووصل سحب مصاري من الصراف
إرسال تعليق